El Musel recibe 198 millones d'euros de Fondos de Cohesión pa l'ampliación

La Unión Europea tresfirió a l'Autoridá Portuaria de Xixón 198 millones d'euros pa l'ampliación del puertu, lo que supón el 80 por cientu de l'ayuda comunitaria con cargu a los fondos de cochesión. En total, l'aportación de la Unión Europea ye de 247,5 millones d'euros. Con fecha 20 de xunu del 2005, l'Autoridá Portuaria de Xixón recibió'l primeru de los cobros, como anticipu de 49,5 millones d'euros, correspondiente al 20% del total de los fondos.

   Según informó'l Puertu nuna nota prensa, d'acordies col procedimientu fixáu nel Programa Marcu de Fondos de Cohesión 2000-2006, fueron emitiéndose les denominaes "certificaciones" o "solicitúes de pagu intermediu", demientres la execución de la obra.

   Nesti momentu, yá se recibió un importe cobru equivalente al 80% de l'ayuda concedida; ye  dicir, 198 millones d'euros, correspondientes al anticipu y a los pagos intermedios, restando'l 20% de l'ayuda comunitaria --49,5 millones d'euros--, que va cobrase una vez qu'acabe la obra.