La UCE estudia presentar una denuncia ante la Fiscalía pol "chantaxe vergonzosu" de colectivos mélicos col Gripe A

|

El presidente de la Unión de Consumidores d'Asturies, Dacio Alonso, apuntó que la organización analiza la posibilidá de presentar una denuncia ante la Fiscalía polo que considera un "chantaxe vergonzosu" de dalgunos colectivos mélicos que declararon que, ante la incidencia del Gripe A, garraríen la baxa con una "décima de fiebre".

   Según indicó Dacio Alonso determinaos colectivos mélicos "nun puen facer pagar a la ciudanía" los conflictos llaborales que tengan cola Alministración, nin "usar" l'alarma que xenera'l Gripe A p'algamar les sos reivindicaciones.

   "Ye un chantaxe", repitió Alonso en rellación al refugu que mostró la Plataforma pa la Defensa de l'Atención Primaria a realizar "sobreesfuerzos" en casu d'una epidemia de Gripe A, dao que'l colectivu entiende que'l conseyeru de Salú, Ramón Quirós, "nun ta llexitimáu" a pidilos tres les diferencies vivíes nos últimos tiempos.

   Pa la UCE "lo que provoca alarma social" nun ye tanto'l gripe en sí mesmu como'l "usu" que d'ella faen dalgunos colectivos mélicos pa "chantaxar" al Gobiernu en perxuiciu de los ciudadanos.

   De la mesma manera, apuntó qu'espera que'l Colexu de Mélicos investigue'l tema ante la gravedá de les palabres y la premeditación mostrada per parte de la Platafomra y la "comprensión" hacia elles del Sindicatu Mélicu de Profesional d'Asturies (Simpa).

Contador Estadistiques