Víctor García de la Concha presenta en Villaviciosa'l llibru 'Hórreos'

El presidente de la Fundación José Cardín y director de la Real Academia Española, Víctor García de la Concha, presenta esti 10 de setiembre en Villaviciosa'l llibru 'Hórreos', "un llibru imprescindible pa entender l'arquitectura tradicional asturiana". L'actu de presentación va tener llugar a les 11 hores na sede de la Fundación José Cardín, asitiada na cai Eloísa Fernández 2, en Villaviciosa.

   Editáu pola Fundación, trátase del más completu censu y análisis d'estes construcciones nel conceyu de Villaviciosa, área exemplar nel cuidáu del patrimoniu cultural y etnográficu. El llibru recueye l'intensu trabayu desarrolláu por Rafael Bablín Loredo, muertu de sutrucu nel 2005 por un problema de salú.