L'asociación "La foz del Pielgu" entama les III Xornaes de la cultura asturiana

|

L'asociación cultural y mediuambiental "La foz del Pielgu" entama esti sábadu 5 de setiembre les III Xornaes de la cultura asturiana, que van desarrollase nel centru Tomás y Valiente de Les vegues, nel conceyu de Corvera. Dende les 11:00 hores de la mañana diferentes especialistes van realizar una serie de ponencies alredor de la figura del castru del Picu Castiello, llugar onde alcontróse la estela antropomorfa de Molleda.

Les ponencies van ser realizaes por importantes estudiosos na matería como'l Doctor n'Historía Jesús Antonio Gonzalez Calle, que va falar sobre la importancia del enclave del castru del Picu Castiello, col títulu de "El castru del Picu Castiello". Pela so parte Pablo León, historiador de la Dirección Xeneral de Patrimoniu Cultural del Principáu d’Asturies va facer un repasu a "Les politiques alrodiu del Patrimoniu cultural de la Conseyería de Cultura". Rematará estes xornaes l'etnográfu y miembru de la Fundación Belenos, Alberto Álvarez Peña, que va falar sobre los astures y la forma de vida nes sos poblaciones, cola ponencia titulada "Los castros d'Asturies".
 

Contador Estadistiques