La campaña “Doi la Cara pola Oficialidá”, entamada pol Conceyu Abiertu pola Oficialidá, yá tien el sofitu de 9.999 persones nuna iniciativa na que tan dando lliteralmente la cara a favor del reconocimientu oficial pa la llingua asturiana. La última de les semeyes colgaes, fecha nel Taj Mahal, monumentu indiu que ye Patrimoniu de la Humanidá, asitia a esta iniciativa a namás una persona d'algamar los 10.000 retratos a favor de la oficialidá.

Esta campaña, qu'entamó l'añu pasáu, yá xunto a delles personalidaes sofitándola como Hevia, Victor Manuel, la recién finada Corín Tellado, David Villa, Samuel Sánchez o Manuel Busto, ente otros. Puede collaboráse con esta iniciativa na páxina web "Doi la cara".