Celébrase la XXVI Noite Celta de Porcía

Una cita yá clásica nel branu asturianu vuelve otra vuelta. Trátase de la Noite Celta de Porcía, nel conceyu d'El Franco, que va celebrar esti sábadu 29 d'agostu la so XXVI edición. Nesta ocasión el cartel compónenlu Reina del truébano, Mezá, Llan de Cubel, Skama la rede y At first Light, esti últimu grupu formáu por John Mc Sherry, Dónal O'Connor, Francis Mc Ilduff, Rubén Bada y Alan Burke. Too ello a partir de les 22:30 na islla fluvial de Porcía.

Dende la organización dan anuncia tamién de la celebración al empar d'una sardinada que va completar esta Noite Celta que vien celebrándose dende l'añu 1983, siendo por tantu un referente nes nueches celtes del nuesu país.