Felpeyu y Shooglenifty actúen en Xixón

Esti vienres 21 d'agostu, dientro de les actividaes del Festival Xixón 5"40', van actuar dos grupos yá míticos dientro del panorama de la música folk: los asturianos Felpeyu y los escoceses Shooglenifty. El conciertu va ser a les 22:30 nel escenariu central de Poniente, en Xixón. Sicasí, esta nun va ser la única actividá prevista pa esti día. A les 21:00 hores va emprincipiar el IX Festival internacional de gaites Villa de Xixón nel Pueblu d'Asturies.

Tamién esti vienres van actuar los grupos de danza bretones "Cercle celtique Bleunioù Lann an Aven de Riec sur Bélon" y "Ar Vro Vigoudenn" na Plaza Mayor dende les 20:00 hores. Les actividaes del Xixón 5"40' van continuar a lo llargo del fin de selmana, nesti eventu qu'entamó esti miércoles 19 d'agostu y va finar el domingu 23 y que quier ser una bona amuesa de la música celta de países como Escocia, Bretaña, Irlanda, Galicia, y por supuesto Asturies.

La programación completa d'esti festival puede consultase nesta páxina web.