Asturies rexistra 28 casos de gripe per cada 100.000 habitantes, de los que'l 72% son del nuevu virus

Según informa'l gobiernu d'Asturies,la tasa estimada de gripe n'Atención Primaria na selmana del 3 al 9 d'agostu foi de 28 casos per 100.000 habitantes, lo que l'asitia perbaxu de la tasa estatal y n'antoxana del "basal epidémicu". D'estos casos, el 72 % de los virus aislaos correspuenden a la nueva cepa A/H1N1. Pel momentu los grupos de población más afectaos son adolescentes y adultos xóvenes.

Nel cuadru clínicu de los casos conseñaos la presentación de la gripe ye la de davezu: fiebre elevada, maltar xeneral, apaición súbita, artromialxes y escalofríos. La mayoría de los casos son de calter feble.

RECOMENDACIONES DEL MINISTERIU DE SANIDÁ

Pela so parte la ministra de Sanidá Trinidad Jiménez presentó la campaña de prevención de la nueva gripe col lema "Gripe A. La prevención ye la meyor midida". Nella afítense delles mídies básiques p'amenorgar la incidencia de la nueva gripe como tapase la boca al estornudar con un pañuelu de papel y tiralu darréu a la basura, ventilar bien los lluagres zarraos, llavase davezu les manes con agua y xabón, y facer un usu responsable de los servicios de salú pa evitar colapsos n'urxencies.