El Gobiernu asturianu quier aforrar 101 millones pola caída de los ingresos

|

El Conseyu de Gobiernu alcordó una retención de créditu por importe de 101 millones de euros como medida pa mantener "l'equilibriu presupuestariu", tres les estimaciones de reducción d'ingresos, un reaxuste que supón el 2,2% del presupuesto actual. Según el gobiernu "la crisis ta incidiendo esti añu con mayor intensidad nos ingresos". El Principáu calcula qu'éstos sían ente un 7 y un 10 % inferior a los previstos, debido esencialmente a la reducción de los recursos tributarios.

Los más afectaos pola crisis económica son "l'Impuestu sobre Tresmisiones Patrimoniales y Actos Xurídicos Documentaos y l'Impuestu Especial sobre Determinaos Medios de Tresporte", que podríen cayer nun 30 o 35%. Otros tributos como l'IRPF tienen un comportamientu más positivu. Ante esta situación, el Gobiernu alcordó una retención de créditu, entendida ésta "como la non autorización de créditu pa determinaos gastos".

Contador Estadistiques