Nun hai fecha pa la llegada del AVE a Asturies

|

El secretariu d'Estáu de Planificación ya Infraestructuras, Víctor Morlán, dixo n'Asturies que la esperiencia encamienta-y ser "precavíu" y que por eso refuga dar nengún plazu pa la llegada de l'alta velocidá a Uviéu o Xixón. Lo que sí punxo seguro'l responsable de Fomentu ye que'l viaxe a Madrid dende Xixón durará unes tres hores, y a Uviéu, dos hores y media. "Prefiero que me critiquen por nun dar plazos a que lo fagan por mentir", señaló apuntando a posibles "problemes" que puean surdir.

   Morlán fizo estes manifestaciones en Xixón, nun actu inxeríu na Feria de Muestres d'Asturies (Fidma), onde se presentó la propuesta de les actuaciones acordaes ente'l Ministeriu de Fomentu y el Principáu d'Asturies pa la rede ferroviaria asturiana frente a la llegada de la llínea de alta velocidá procedente de Madrid.

   Víctor Morlán aseguró que l'alta velocidá circulará pela variante de Payares, combinando trenes de viaxeros y de mercancíes, enantes de que fine 2012. Morlán comprometióse amás a sacar a llicitación esti añu los estudios informativos de les tres variantes ferroviarias nueves que se construyirán n'Asturies (La Pola -L.lena-, Soto Rei, Llugo de Llanera, Serín y Villabona; fastera d'Avilés tovía por afitar).

Contador Estadistiques