Fina Dolores Sánchez 'La Galana' a los 87 años

L'Academia de la Llingua Asturiana (ALLA) y Iniciativa pol Asturianu reconocieron el so llabor y llamentaron la so perda'l llunes.

María Dolores Sánchez Buergo 'La Galana', viuda de Francisco Bulnes y natural de la población llanisca de Piñeres, finó a los 87 años d'edá. Escritora popular, llevó la llingua asturiana de pueblu en pueblu, recitando en fiestes, y espublizó títulos con Ediciones Trabe como 'Manoyos escoyíos' o 'Goteras d'orbayu'.

Poesía popular y crónica social y festiva d'Astuies tán presentes nestes obres, con inspiración poética en Pin de Pría, autor de la so parroquia. Pero la so creación tamién tuvo influyencies d'escritores como Rosalía de Castro.

"Llevó la so lliteratura popular a tol oriente d’Asturies, dándo-y aliendu al asturianu", rescamplaba'l llunes l'ALLA depués de se conociera la noticia, insitución que tamién quixo "reconocer el so llabor dende la murnia pola so partida". Iniciativa pol Asturianu foi'l que la fixo pública apuntando que La Galana yera la "decana de les lletres asturianes", esponente "d'una xeneración d'escritores que caltuvieron viva la llama de la lliteratura asturiana nos tiempos difíciles del franquismu", y quixo "acompañar a la so familia nel duelu y facer reconocencia del so llabor pol asturianu".