Cuatro conceyos van acoyer proyeutos de rexeneración d'espacios cola plantación de frutales autóctonos

Les finques, toes públiques, van contar con variedaes asturianes de castaña y ablana, y mazana de sidra en réxime ecolóxicu.

Pravia, Les Regueres, Piloña y Parres van acoyer proyeutos de rexeneración d'espacios públicos per aciu de la plantación de frutales autóctonos. El Gobiernu destina 522.856 euros a ellos procedentes de los fondos europeos Next Generation del Plan Nacional de Recuperación, Transformación y Resiliencia.

Estes iniciatives enmárquense na llinia de reactivación de les zones rurales con actuaciones de bioeconomía en conceyos con dificultades demográfiques especiales, de manera que permitan incentivar el so desendolu económicu y social. D'esti mou, una vez fecha l'adecuación y plantación de los terrenos, les entidaes propietaries, ayuntamientos y parroquies rurales, podrán valorizar estos recursos y sacar a concursu la concesión de la esplotación para dinamizar la economía local y combatir el despoblamientu.

Muros y el Conceyu de Pravia van collaborar cola plantación en finques de la parroquia de pumaraes pa la producción de mazana de sidra en réxime ecolóxicu, mentes que n'El Monte Cayón (Piloña) van destinase 2 hectárees de terrenos d'utilidá pública a ablanos de variedaes autóctones. Nel casu de Les Regueres y Parres va promovese la recuperación de castañales valdunos nuna superficie de 2 y 3,5 hectárees, de manera respeutiva.

Na semeya, pumaraes.