La mazcarada de Valdesoto visita'l conceyu yerbatu y va representar dos funciones.
Los Sidros y les Comedies van tar mañana en Santuyano p'animar el domingu a les vecines y vecinos de Bimenes. Unos mazcaritos que nel pasáu teníen presencia nel conceyu y que nel 2019, gracies a la collaboración de la sierense Asociación pola Recuperación de los Sidros y les Comedies ‘El Cencerru’, tornaron a dar blincos pel llugar.
La cita va ser a les 13 hores, con un pasucais dende la ilesia hasta'l parque col acompañamientu musical de Los Yerbatos. Ehí van representase dos de les trés comedies que protagonizaron el Domingu de Sidres y Comedies celebráu'l 7 de xineru: 'Valdesoto ye real', de Fani Moro, que pon n'escena la mocedá d'El Cencerru; y '¿De qué facemos la comedia?', de José Ramón Oliva, protagonizada polos adultos.
Esta xornada ye de munchu ambiente en Bimenes y atrái a númberosos visitantes al conceyu. Ente ellos va tar el presidente del país, Adrián Barbón, que repite nesta celebración.
Semeya de Spot Gonzalo Méndez y El Cencerru.
Adxuntu | Tamañu |
---|---|
![]() | 119.27 KB |