'Perendi' de Milio Rodríguez Cueto y Carlos Alba, nes tables del Teatru Xovellanos

L'actor y l'escritor trabayaron xuntos la dramaturxa d'esta obra estrenada en Mieres.

L'espectáculu teatral 'Perendi' apuerta al xixonés Teatru Xovellanos. Va ser esta tarde, a les 20.30 hores con entraes a 15 euros, cuando La Compañía del Alba va poner n'escena per segunda ocasión esta adaptación d'una parte de los rellatos espublizaos por Milio Rodríguez Cueto nel diariu 'La Nueva España' ente los años 2000 y 2009, recoyíos posteriormente en trés volúmenes de cuentos.

L'autor xixonés y Carlos Alba, que fai'l papel del Padre Ángel y Paulino Braña, trabayaron xuntos nesta comedia que fai un retratu del carauter asturianu na que tamién participen Carmen Gloria y Covadonga Cobos. Calcando nesti enllaz pue atopar, dientro de la nuesa estaya 'Ociu', tola información sobre esta historia y la so ficha artística.