'Perendi', de La Compañía del Alba

Marina Tuero marcha a estudiar al estranxeru y dexa atrás un llugar mui especial: Perendi. Nesti conceyu too ye posible, como'l gamberrismu de la tercer edá, les paisanes que leviten, los trasgos políticamente correutos…

D'ente toes estes maraviyes, Marina va escoyer una pal so trabayu fin de Grau: la trayectoria artística d’Ahmad Rami, un pintor siriu afincáu nel conceyu dotáu del don de la profecía pictórica. Al traviés del filu conductor de los sos cuadros, en 'Perendi' revélase la esencia del caráuter asturianu.

La obra ye una adaptación escénica d'una parte de los rellatos espublizaos por Milio Rodríguez Cueto nel diariu 'La Nueva España' ente los años 2000 y 2009, recoyíos posteriormente en trés volúmenes de cuentos.

• Autor: Milio Rodrígez Cueto.
• Seleición de testos, adaptación y dirección escénica: Carlos Alba.
• Interpretación: Carmen Gloria (Charo), Covadonga Cobos (Marina Tuero) y Carlos Alba (Padre Ángel y Paulino Braña).
• Direición actoral: Lidia Otón.
• Ayudante de direición: Diego Lombardía.
• Cuadros de Rami: Nacho Suárez (BlancoBuría).
• Illuminación: Rafa Escheverz.
• Diseñu de cartelu: Goyo Rodríguez.
• Vídeu: Covenant Audivisuales.
• Semeyes: René Estébanez.

Hora: 20.30h

Preciu: 15 euros