"El PP tendría que reflexonar la so posición sobre la oficialidá", afirma Barbón

El presidente pide a los populares "que miren un poco más a los sos compañeros de Galicia".

24 hores depués de les declaraciones d'Álvaro Queipo, presidente del PP, nes que pidía a Adrián Barbón que la reforma de la Llei d'Usu y Promoción del Bable/Asturianu la fixera "de la mano del Partido Popular, al menos de la mano del Partido Popular", y a entrugues de los periodistes, el socialista señaló que "yo nun suelo valorar los xestos y posiciones de naide. Yo creo que los que'l PP d'Asturies lo que tendría que reflexonar ye la so posición sobre la oficialidá, porque nun pue ser qu'a pocos quilómetros d'equí, el PP de Galicia lleva a gala reivindicar la defensa de la so llingua y reconocióla como llingua oficial, y sicasí'l PP lleva una posición numantina de non a la oficialidá de les llingües propies d'Asturies".

Realizó estes declaraciones en Cuaña, onde se celebró esta mañana'l Conseyu de Gobiernu, a la puerta del Centru d'Interpretación del Castru de Cuañu en compañía cola alcaldesa, la popular Rosana González Fernández, cola que bromió. "Ésa ye la posición que-y tengo que reclamar al Partido Popular: que miren un poco más a los sos compañeros de Galicia y que tomen bona nota d'esto", finó.