La propuesta musical Bimenes UnderPrau muéstrase en Xixón

Va ser nel Tizón nuna cita xunto con Doris Escarlata a la que va siguir una sesión variada.

Bimenes UnderPrau, el proyeutu musical d'electrónica y hip-hop n'asturianu encabezáu por Pablo Martínez Testa, torna a Xixón. Va ser esta tarde nuna folixa que va arrancar a les 20.30 hores.

Depués d'asoleyar l'añu pasáu'l discu 'Fesoria y garabatu', l'artista presentó recién a los sos siguidores 'Ensin agua, ensin Cas​í​n y Llibertá pa los 6 de la Suiza; o tr​é​s pasaxes de la mesma hestoria'. Un cantar nel que, como ye vezu, nun falta la reivindicación.

El cartelu del conciertu de güei complétase cola veterana banda xixonesa de rap Doris Escarlata. La entrada ye de 5 euros anticipada y de 8, na puerta.

Na semeya, Bimenes UnderPrau nun conciertu encuadráu X Alcuentros de Músiques Asturianes que se celebraron en payares nel xixonés Muséu del Ferrocarril d'Asturies.