Gobernar dos años: la propuesta de Núñez Feijóo que refugó Sánchez

Pedro Sánchez y Alberto Núñez Feijóo, encargáu pol rei Felipe VI pa tratar de formar Gobiernu, aconceyaron esti miércoles nel Congresu, xunta a la que’l popular llevó una propuesta: gobernar per dos años pa materializar seis pautos d’Estáu. El socialista refugó la proposición.

“Ufrí un pautu d’Estáu pero Sánchez prefier pautar colos independentistes”, declaró Núñez Feijóo a la salida del aconceyamientu. En concreto yeren seis los puntos que pretendía pautar: de rexeneración democrática, d’estáu del bienestar, pol saniamientu económicu, poles families, de l’agua y territorial.

La propuesta proponía un Gobiernu del PP de dos años con 15 ministerios pa desendolcar eses polítiques y celebrar darréu eleiciones. Una ufierta que Sánchez refuga y que la vocera socialista Pilar Alegría calificó –el presidente en funciones nun fixo declaraciones– de “un pautu con VOX pa derogar el sanchismu en dos años”.

Na semeya, Sánchez y Núñez Feijóo.