Antón García sigue como direutor xeneral

Va encargase de l'Aición Cultural y Normalización Llingüística, dependiente de Presidencia.

El Boletín Oficial del Principáu d'Asturies (BOPA) espublizó güei'l nomamientu d'Antón García como direutor xeneral na estructura nueva de la Viceconseyería de Cultura, Política Llingüística y Deporte d'Ana Vanessa Gutiérrez aprobáu'l vienres en Conseyu de Gobiernu. Na llexislatura anterior el de Tuña llevó la Direición Xeneral de Política Llingüística.

Nel Gobiernu próximu amplía asina les sos funciones, centraes hasta agora nes polítiques al rodiu les llingües propies d'Asturies, cola promoción y difusión de la creación artística y l'apoyu a la industria cultural. La estructura de la viceconseyería complétase con una direición xeneral de Patrimoniu Cultural (enantes Cultura y Patrimoniu), na que va siguir Pablo León, y otra d'Actividá Física y Deporte.