El certame ferial xixonés va contar per segundu añu con un Día de la Llingua Asturiana

Prepárase un programa que va implicar a empreses y conceyos presentes nel recintu.

El sábadu 22 d'agostu del 2022 foi una fecha pa la historia. Esi día la Feria Internacional de Muestres d'Asturies (FIDMA), l'eventu más multitudinariu del páis, con más de 700.000 visitantes, dedicó per primer vez nos sos 65 años d'historia una xornada a la llingua asturiana.

Una vieya demanda d'Iniciativa pol Asturianu a la Cámara de Comerciu de Xixón que se fixo efeutiva esa edición y que se va repetir. El sábadu 19 ye cuando ta marcáu'l Día de la Llingua Asturiana, cita de valoración y reivindicación del idioma que rescampló l'añu pasáu pola so emotividá y que llegó pa quedar.

Pa esa xornada ta preparándose un programa ampliu d'actividades que va involucrar a conceyos y empreses que tienen presencia nel Recintu Ferial Luis Adaro. El coleutivu que trabaya pola normalización del asturianu anima a tola sociedá civil a participar.

Na semeya, Álvaro Alonso Ordás, direutor de la FIDMA, intervién l'añu pasáu nel Día de la Llingua Asturiana frente al bustu de Gaspar Melchor de Xovellanos nel primer actu de la xornada, un homenaxe al ilustráu.