Iniciativa confía en que l’encaxe nuevu de Política Llingüística “dea tresversalidá a la normalización”

“Una bona anuncia”. Asina califica Iniciativa pol Asturianu los cambios entamaos por Adrián Barbón nel so Gobiernu pol que la Política Llingüística pasa a depender direutamente d’él, con una viceconseyería específica a cargu d'Ana Vanessa Gutiérrez, lo que debería dar “tresversalidá a les polítiques de normalización”, entiende'l coleutivu.

Rescampla la “importancia que tien llograr una presencia normal de les llingües d’Asturies en tola acción de gobiernu. L’asturianu y l’eonaviego nun pueden tar presentes esclusivamente nes iniciatives que se plantegaben dende la conseyería correspondiente”. Nesi sen pol l’exemplu les campañes entames la llexislatura pasada dende la Conseyería de Salú en tiempu del andanciu de COVID-19

La entidá, que va ponese en contautu con Gutiérrez estos díes, “tamién reclama un apuesta decidida poles nueses llingües frente a la falta d’impulsu de l’anterior llexislatura”. La intención ye treslladar a la viceconseyera de Cultura, Política Llingüística y Deporte “diferentes propuestes pa trabayar nestos años, asina como incidir na importancia de cuntar con un nuevu Plan de Normalización Llingüística nesta llexislatura”.

Na semeya, Barbón el sábadu, cuando dio anuncia del so Gobiernu.