Asturies promociónase n'Inglaterra como destín pa observar la naturaleza

El país acudió con puestu propiu al II Global Birdfair que se celebró n'Oakham.

Asturies promocionóse n'Inglaterra como destín pa la observación de la naturaleza dando a conocer la so ufierta d'ecoturismu. L'eventu que se desenvolvió nel Rutland Showgrand, centráu principalmente nos páxaros, acoyó a 300 espositores d'un centenar de territorios.

Pel puestu asturianu pasaron mediu millar de británicos y irlandeses, que s'interesaron poles posibilidaes d'observación de fauna y flora, asina como polos conexones aérees direutes dende aeropuertos de Londres. Tamién pudieron conocer les polítiques de proteición y conservación del mediu ambiente en vigor.

Como novedá d'esta edición, Asturies participó nes xornaes téuniques entamaes na feria y fixo dos presentaciones p'averar la ufierta d'ecoturismo a los presentes. Foron, en collaboración cola Fundación Oso Asturias, la intervención 'Conservación del osu pardu n'Asturias, el paraísu natural d'España', y 'Observación d'aves n'Astureas, el paraísu natural d'España', na que se fixo un percorríu pelos nuesos numberosos ecosistemes que propicien la esistencia de cuasi 400 especies singulares, como'l frangüesu o l'esguilatorres.

Na semeya, visitantes de la Global Birdfair faen consultes nel puestu d'Asturies.