La viñeta n'asturianu qu'algamó un millón y mediu d'impresiones na rede social Facebook

La creación última d'Efrén d'Andrés, entitulada 'Y nun diximos nada', convirtióse en viral.

Un millón y mediu persones, 1.429.347 nel momentu de la redaición d'esta noticia –y xubiendo–, vieron esta viñeta del dibuxante xixonés en Facebook dende la tarde del domingu, cuando se xubió a la web d'Asturies.com y nes nueses redes sociales. Nun tardó en ser compartida, aumentando poco a poco les impresiones –cuando apaez en pantalla del usuariu, que nesti casu concretu coincide col algame, el númberu que la miró–, hasta'l puntu de disparase, sobre manera'l llunes.

Son munches les viñetes de D'Andrés que se convierten en virales, llegando a miles de persones de dientro y fuera d'Asturies, pero 'Y nun diximos nada', d'humor blancu con una doble interpretación mui d'actualidá, rexistró númberos de récor. Asina, la historia gráfica n'asturianu movióse inclusive per Llatinoamérica, como pue se pue comprobar lleendo los 312 comentarios que xeneró la publicación, que cuenta con 20.233 interaiciones.