Álvarez Rouco esplica sobre l'usu del topónimu que "ye un tema personal de mio, pero 'Gijón' gústame más que 'Xixón'"

"¿Ye bono qu'esista 'Xixón'? Pues esistirá y yá ta", reflexona la edil de Festexos en Xixón.

Na rueda de prensa pa esplicar el so posicionamientu sobre les contrataciones d'artistes qu'empleguen l'asturianu depués de les polémiques declaraciones feches n'Onda Cero, Sara Concepción Álvarez Rouco tamién respondió una entruga sobre l'usu del topónimu 'Xixón'. Nuna entrevista nel diariu 'El Comercio' afirmara que "'A partir de ahora, ‘Gijón’" nel so área de trabayu.

"Ye un tema personal de mio, gústame más ‘Gijón’ que 'Xixón', pero tenemos qu’estudialo, qu’acabamos de llegar. ¿Ye bono qu’esista 'Xixón'? Pues esistirá y yá ta. ¿Por qué nun va ser ‘Gijón’?", preguntóse. Al recorda-y que l'usu del topónimu oficial, 'Gijón/Xixón', ye obligáu pa les alministraciones, apuntó "‘Gijón’, 'Xixón', lo que sía. Nosotros verémoslo, tamos empezando y nosotros estudiarémoslo too".