Asturies perdió énte Costa de Marfil nel primer partíu de la selección de baloncestu

Lluanco acoyió'l primer partíu de la selección asturiana de baloncestu, que debutaba frente a la selección de Costa de Marfil. El resultáu fue d'Asturies 55 -Costa de Marfil 69. Al encuentru, celebráu nel polideportivu "Jenaro Fernández Diego" de Lluanco, asistieron alredor de mediu millar de persones.

La selección del nuesu país, dirixida por Joaquín Prado y Arturo Álvarez, contó colos xugadores Rubén Suárez, Dani González, Adrián Macía, Héctor Macía, Javi Rodríguez, Manu Sánchez, Saúl Blanco, Diego Sánchez, Hugo Rodríguez, David Pérez, Armando Álvarez y Orlando Camín.