Pumares apunta que "la vuelta de los toros nun me xenera incomodidá nin contradicción"

El secretariu xeneral de Foro y diputáu respondió tamién n'asturianu que "los 8 años d'alcaldesa de Moriyón foron de respetu a la llingua asturiana y normalización".

Asturies.com entrugó nesti idioma na rueda de prensa a Adrián Pumares sobre si la reivindicación que fixo Carmen Moriyón na investidura del sábadu de la figura de Gaspar Melchor de Xovellanos y de lo asturiano, que vien realizando tamién habitualmente'l partíu, nun ta en contadicción cola vuelta de los toros en Xixón y el pautu con VOX no que respeuta a la política llingúística. "En rellación colos toros, ye un compromisu eleutoral de Foro Xixón. Dende llueu eso nun me xenera incomodidá nenguna nin contradicción", retrucó nesa mesma llingua.

Na segunda cuestión, rescampló que "el trabayu del gobienu lideráu por Carmen Moriyón en Xixón los 8 años que foi alcaldesa foi de munchu respetu a la llingua asturiana y normalización, y nun tengo la menor dulda de que va siguir siendo asina". Amás añadió que "creo qu’estos 4 años del Partido Socialista foron precisamente una involución en rellación colo que fixera’l gobiernu de Foro Asturias, y creo que nesa llinia se va siguir trabayando".