Foro decide nun acudir a les eleiciones del 23-X

La Comisión Direutiva descartó dir en solitariu o en coalición per primer vez a les xenerales.

Foro, que tien un diputáu nel Congresu, Isidro Manuel Martínez Oblanca, que ta acabante d'abandonar el partíu al nun tar a favor, dixo, de la demanda d'un mayor autogobiernu p'Asturies o la oficialidá, nun va acudir a les eleiciones anticipaes del 23 de xunetu. Nel 2019 fora en coalición col PP, algamando 2 representantes, ún pa cada partíu, y per primer vegada dende'l 2011 nun va contar con representación na Cámara Baxa.

"Nun algamamos l'oxetivu de ser tan decisivos como queríamos, pero la nuesa presencia nel Parllamentu (asturianu) pue marcar la diferencia y influyir p'ameyorar día a día la vida de los asturianos", apuntó'l secretariu xeneral y diputáu na Xunta Xeneral, Adrián Pumares, a la salida de la Comisión Direutiva celebrada na tarde d'ayeri. "La xera agora y sumar el mayor númberu d'alcaldíes posibles y formar parte de los gobiernos municipales, lo que dependerá de cada conceyu ensin imposiciones por parte de la direición del partíu", añadió.

Na semeya, Pumares esta mañana recoyendo l'acta de diputáu de la Xunta Xeneral.