Educación va recurrir l'autu del TSXA que suspende la retirada del conciertu a un colexu priváu

La Conseyería d'Educación presentará un recursu contra l'autu del Tribunal Superior de Xusticia d'Asturies (TSXA) pol que se suspende cautelarmente la retirada progresiva del conciertu col colexu Los Robles, propiedá de "Fomento de Centros de Enseñanza". La decisión de retirar el conciertu vino por cuenta qu'esti colexu "escolariza sólo a varones".

La resolución dictada pol tribunal implica, de momentu, el mantenimientu del conciertu col colexu pa la unidá de primer cursu d'Educación Primaria, lo que supón un coste aproximáu de 38.700 euros anuales.

Dende'l gobiernu afiten que'l "TSXA entá debe pronunciase sobre la cuestión de fondo, ye dicir, sobre la retirada progresiva del conciertu col centru educativu por segregar al alumnáu en función del so sexu y escolarizar únicamente a varones".