Aumenten a 350.000 euros les ayudes a la restauración d'horros, paneres y cabazos

L'añu pasáu Cultura, Política Llingüística y Turismu destinó a esta llinia 300.000 euros.

Un añu más aumenten les ayudes a la conservación, restauración o rehabilitación d'horros, paneres y cabazos, asina como d'otros elementos d'interés etnográficu. Pa esti 2023 destínense 350.000 euros, 50.000 más que l'añu pasáu y 200.000 más que nel 2021.

Caltiénse la cantidá de 7.500 euros como la cuantía máxima a recibir por cada bien a intervenir y nun se van subvencionar actuaciones perriba del 75 por cientu del presupuestu subvencionable. Nun podrán concurrir a l'ayuda aquellos elementos que sín Bien d'Interés Cultural o los que formen parte del Inventariu del Patrimoniu Cultural d'Asturias.

La xente interesao n'acceder a esta ayuda tienen hasta'l día 25 pa presentar la solicitú. La xustificación ha entregase enantes del 31 d'ochobre y el plazu pa executar les obres va del 1 de payares del 2022 a esi mesmu 31 d'ochobre.