La Tertulia Cultural "Pachín de Melás" va aldericar sobre la regasificadora

La Tertulia Pachín de Melás, que dende hai unos meses vien desarrollando en Xixón alderiques abiertos sobre bayura de temes sociales y culturales, anuncia pa esti xueves 23 de xunetu un nuevu alderique col títulu de "Regasificadora en Xixón. Necesidá y peligros". Nelli van participar Leopoldo García, portavoz de la Plataforma Regasificadora NON, Paco Ramos d'Ecoloxistes n´Acción y Ramón González "Turón", vecín afectáu. L'actu va tar moderáu por Tino Fernández, portavoz de mediuambiente d´UNA.

La Tertulia Pachín de Melás vien organizando dende’l so nacimientu, el pasáu mes d’avientu del 2008, cinco Tertulies empinaes a mui diferentes ambitos: “La ZALIA contra Asturies”, “Normalización de la llingua asturiana”, “¿Qué facer cola prostitución?”, "El nacionalismu asturianu na transición" y "El teatru asturianu".

Como nel restu de los casos la Tertulia Pachín de Melás va tener llugar na Cervecería Astuera (C/ Joaquín Fdez. Acebal, 2. Detrás del Centru San Agustín de Xixón) a les 20.30 hores.