Entamen los trabayos d'ameyoramientu de la travesía de l'AS-375 per La Pola Ḷḷena

Tienen un plazu d'execución de cinco meses.

"La travesía ye una obra mui demandada", aseguró Alejandro Calvo, conseyeru de Medio Rural y Cohesión Territorial. Va consistir na renovación estructural y superficial del firme en 2.235 metros de llargor en tol trazáu urbanu, con un presupuestu de 311.089 euros.

Pa la rehabilitación estructural del vial va aplicase una capa de 50 centímetros de grosor y va construyise una rotonda nueva cerca de la ponte de La Llera, que nel futuru podrá coneutar esta zona de la capital ḷḷeniza cola principal arteria de la población. La empresa Alvargonzález Contratas S.L. encárgase de los trabayos de la travesía de La Pola.