Llega a les llibreríes la obra 'No que cinca los seres de lleenda' de Blanca Fernández

Trabe edita'l primer testu ganador del Premiu Enriqueta González Rubín de narrativa moza, que l'autora yerbata presenta n'Uviéu.

'No que cinca los seres de llenda' yá ta disponible nes llibreríes. La tercer novela de Blanca Fernández nada tamién na fantasía, con un gran pesu de la mitoloxía asturiana y una historia na que xuega un papel fundamental un reló con cualidaes máxiques que protexe al que lu poseya.

Ye un llibru que "da una visión distinta de la lliteratura y la música popular", col que Fernández "derruempe un camín nuevu pa la narrativa asturiana d’anguaño", apunten dende la editorial. La escritora va presentalu mañana, a les 19 hores nel salón d'actos de la Biblioteca d'Asturies 'Ramón Pérez de Ayala', nun actu nel que va tar acompañada de la traductora y profesora Aymara González Montoto.