El premiu "Juan Uría" va pa un estudiu sobre l'escultor asturianu Juan de Villanueva

La historiadora xixonesa Bárbara García Menéndez algamó la XXX edición del premiu "Juan Uría Ríu", que concede la Conseyería de Cultura, por un trabayu tituláu "El escultor y académico asturiano Juan de Villanueva y Barbales (Pola de Siero, 1681-Madrid, 1765)".
 
El xuráu, presidíu pol Viceconseyeru de Cultura, Jorge Fernández León y integráu polos profesores Julia Barroso, Josefa Sanz y Adolfo García Martínez, concedió por unanimidá esti premiu dotáu con 6.000 euros.  

Bárbara García Menéndez ye doctora n'Historia del Arte pola Universidá d'Uviéu y especialista en Juan de Villanueva. El xuráu rescampló del trabayu'l carácter novedosu en cuantes a la época histórica, que falta d'estudios profundos dende'l puntu de vista históricu-artísticu, así como "la exhaustiva metodoloxía utilizada y la so importancia a tolos niveles".