La XE recomienda una cuarta dosis de la vacuna contra la COVID-19 pa persones de 60 a 79 años

El Centru Européu pa la Prevención y el Control d'Enfermedaes (ECDC) y l'Axencia Europea de Medicamentos (EMA) encamienten a alministrales "lo más rápido posible".

N'abril fixéronlo pa mayores de 80 años, y agora pa persones de 60 a 79 años y aquelles vulnerables. Les autoridaes sanitaries europees faen esta recomendación como respuesta a la fola nueva que ta viviendo'l continente, "con incrementos de les tases d'ingresos hospitalarios y nes UCI".

Según apunten, debería alministrase esta cuarta dosis contra la COVID-19 al menos cuatro meses depués de la última. "Nun hai tiempu que perder", apunta Stella Kyriakides, la comisaria europea de la Salú y la Seguridá Alimentaria, polo qu'encamienta a los estaos miembros de la Xunión Europea a entainar cola vacunación.

Na semeya, una muyer recibe la tercer dosis nel Hospital Valle del Nalón.