Convocaes les ayudes a cooperatives agraries pal ameyoramientu de les esplotaciones

Caltiénse la mesma cuantía, camudando namái'l repartu añal de la subvención.

La Conseyería de Mediu Rural y Cohesión Territorial convocó 600.000 euros n'ayudes a entidaes asociatives agraries pal ameyoraramientu de les esplotaciones, con plazu pa presentales hasta'l 7 de xunetu. La subvención ye pluriañal y ta cofinanciada pola Xunión Europea al traviés del Fondu Européu de Desarrollo Rural (Feader).

L'aportación económica destínase a facilitar l'accesu de les cooperatives a factores de producción que nun podríen incorporar de forma individual por mor de los costos de la inversión. Les ayudes permiten la merca de maquinaria y equipamientu, como máquinas de sema direuta y equipos pa la optimización de la recoyida de la lleche, coles que se dan servicios a les esplotaciones agrícoles y ganaderes que conformen les entidaes asociatives beneficiaries de les ayudes.

La diferencia cola convocatoria anterior ye'l repartu de les perres per añu. Asina pasóse de 325.000 euros nel primer añu y 275.000 nel segundu, a 416.460 y 183.540, de manera respeutiva.