El preciu de la vivienda n'Asturies cai un 9,3 por cientu nel segundu trimestre

|

L'Índiz Xeneral de Precios de la vivienda nel Principáu d'Asturies acusó una cayida del 9,3 por cientu nel segundu trimestre del añu en comparanza col mesmu periodu del 2008, asitiándose un puntu penriba de la media estatal (-8,3%), d'acordies a los datos espardíos pol Ministeriu de Vivienda.

   Toles comunidaes autónomes rexistraron descensos de precios sobre'l segundu trimestre del 2008 siendo mayores a la media nacional en Castiella-La Mancha (-12,6 por cientu), Cantabria (-10,1 por cientu), Madrid (-9,8 por cientu), Aragón, (-9,5 por cientu), Asturies, (-9,3 por cientu), Comunidá Valenciana, (-9,0 por cientu), Isles Baleares (-9,0 por cientu) y Murcia, (-8,8 por cientu).

   Perbaxo de la media estatal alcuéntrense Canaries (-7,8 por cientu), Andalucía, (-7,6 por cientu), Galicia, (-7,5 por cientu), Cataluña, (-7,2 por cientu), Castiella y Lleón, (-6,8 por cientu), Navarra (-6,4 por cientu), País Vascu, (-6,3 por cientu), La Rioxa, (-3,7 por cientu) y Estremadura (-1,1 por cientu).

Contador Estadistiques