La Comisión Europea aprueba la propuesta d'España y Portugal pa limitar el preciu del gas

La nomada 'esceición ibérica' va entrar a valir el día 14 y va tener efeutu'l día siguiente.

Dos meses y mediu depués del alcuerdu de los gobiernos d'España y Portugal, y llueu de muncha negociación, la Comisión Europea dio'l preste a la posibilidá de que Madrid y Lisboa pongan límite al preciu máximu del gas nel mercáu mayorista. Una manera de contener l'eleváu costu de la lluz, qu'algamó topes históricos recién.

Esta aición va tener un llargor de 12 meses, hasta'l 31 de mayu del 2023, y va asitiar nos 40 euros por megavatio/hora nun entamu la cantidá máxima. A partir del 6 meses va poder dir xubiendo progresivamente 5 euros p'asitiar la media añal en 48,8 euros.

"La midida va tar destinada a reducir los precios mayoristes de la lletricidá nel mercáu ibéricu (MIBEL) per aciu de la minoración del costu de los insumos de les centrales llétriques alimentaes con combustibles fósiles", apuntaron dende la Comisión Europea. D'esta forma preténdese beneficiar a los consumidores con una baxada de la so factura de la lluz.