D'Andrés, Elipe y Gayol, nun alderique sobre'l presente y futuru de la lliteratura n'asturianu

Los trés últimos ganadores del Máximo Fuertes Acevedo d'ensayu participen nesta actividá encuadrada en LibrOviedo.

'Autores nel Camín: novedaes en llingua asturiana' ye'l nome del alderique que va moderar mañana José Ángel Gayol y nel que tamién van participar Ramón d'Andrés y Xune Elipe. Na mesa va falase sobre'l presente y futuru de la lliteratura n'asturianu, con atención especial al panorama del ensayu.

Los escritores tamién van comentar sobre la iniciativa Autores nel Camín, circuitu entamáu pola Conseyería de Cultura, Política Llingüística y Turismu qu'avera a los ganadores de los Premios Lliterarios y de los dos artísticos cola ciudadanía al traviés d'actividaes en poblaciones de tol país. La mesa redonda, que va principiar a les 17.15 hores, forma parte de la programación de LibrOviedo, feria del llibru que se celebra dende ayeri y hasta'l domingu na plaza Trascorrales n'horariu de 11 a 23.

Na semeya, zona de presentaciones y alderiques de LibrOviedo.