Rexistráronse 373 contaxos diarios de media na selmana última

La vixilancia céntrase dende'l 28 de marzu n'ámbitos y grupos vulnerables.

Les cifres de contaxos n'Asturies son mui asemeyaes a les d'hai un mes. Si entramos en marzu con 270 casos diarios de media, esta cantidá aumentó a 346 nel periodu que va del 7 al 13, algamando los 460 y los 541 nes selmanes siguientes.

Colos cambios fechos na Comisión de Salú Pública del Sistema Nacional de Salú'l 28 de marzu na Estratexa de Vixilancia y Control Frente a la COVID-19 Llueu de la Fase Aguda de la Pandemia los positivos baxaron a 341 de media, cantidá que na selmana última quedó en 373. Agora céntrense les pruebes diagnóstiques d'infeición activa n'ámbitos y grupos vulnerables, esto ye, persones mayores de 60 años, inmunodeprimíes y muyeres qu'esperen un críu, asina como los casos graves.

Desque Asturies.com vien rexistrando la media de contaxos diarios nel periodu d'una selmana, a lo último d'agostu del 2020, esti datu evolucionó asina: 39, 46, 52, 83, 92, 92, 150, 210, 272, 334, 408, 508, 344, 252, 194, 125, 101, 78, 101, 167, 292, 421, 482, 383, 226, 154, 135, 144, 113, 113, 119, 115, 121, 126, 115, 84, 52, 49, 53, 51, 50, 55, 51, 57, 196, 448, 493, 423, 289, 194, 133, 77, 60, 42, 20, 12, 13, 11, 13, 17, 22, 32, 29, 70, 175, 322, 427, 632, 1.032, 1.905, 2.355, 3.143, 2.538, 1.831, 1.174, 756, 495, 367, 270, 346, 460, 541 y 341 –cambiu na estratexa–, hasta los 373 actuales.