El Covid dexa 8 finaos más dende’l martes

Ayeri hubo 512 contaxos nuevos.

La Conseyería de Salú confirmó güei 1.531 casos nuevos de coronavirus nos últimos tres díes. En concretu, el martes día 15 detectáronse 535 casos, 484 el miércoles y 512 ayeri, xueves. Nesti períodu finaron 8 persones, d’elles tres yeren muyeres y cinco homes, con edaes ente los 67 y los 89 años.

Anguaño, hai 124 pacientes ingresaos con confirmación o sospecha de covid, de los que 15 tan na Unidá de Cuidaos Intensivos. Lo que da una ocupación del 3,69% de les plantes hospitalaries y del 5,59% nes UCI. Poro, Asturies sigue en nivel de riesgu medio (2 de 4).