Sigue baxando'l númberu d'hospitalizaos nuna xornada na que se rexistraron 286 contaxos

Hai que llamentar la muerte d'una muyer de 91 años cola enfermedá causada pol coronavirus SARS-COV-2.

La Conseyería de Salú comunicó la detección de 286 casos nuevos ayeri. Son 28 más que'l martes, cuando s'informó de 258.

Tán hospitalizaos 181 pacientes, polos 195 del día anterior. Ingresaos en planta hai 161, 15 menos, y 20 na UCI, 1 más.

La perda d'una persona na xornada aumenta'l total de finaos nel andanciu a 2.478.

Na semeya, una muyer recibe la vacuna nel so vehículu.