Los positivos yá tan per debaxo de 300

Rexistróse un total de 252 casos nuevos de COVID-19 el llunes y 258 el martes.

Siguen descendiendo los contaxos nesta quinta fola. La baxada vivida na fin de selmana consolidóse estos dos díes últimos hasta asitiase per debaxo de los 300 positivos depués de la que la media diaria de la selmana pasada quedara afitada en 367.

Asina la Conseyería de Salú comunicó 252 casos el llunes, mentes qu'ayeri esta cantidá quedó en 258. Son les cifres más baxes rexistraes dende los últimos díes de payares.

Estes dos xornaes hebo que llamentar la muerte de 8 persones, 3 el primer día (2 homes de 73 y 71 años y 1 muyer de 60) y 5 l'últimu (3 homes de 93, 89 y 48 y 2 muyeres de 93 y 80). Dende qu'entamó l'andanciu'l númberu de finaos cola enfermedá causada pol coronavirus SARS-COV-2 asciende a 2.477 –incorporóse 1 más a la serie non contabilizáu previamente–.

No que se refier a les hospitalizaciones, hai 195 pacientes ingresados con confirmación o sospecha de COVID-19 polos 213 del domingu. D'ellos 176 tán planta y 19 en UCI, 17 y 1 menos, de manera respeutiva.

Na semeya, puntu de vacunación del área sanitaria V, el Palaciu de Deportes de Xixón, el vienres pasáu.