El númberu de pacientes hospitalizaos asítiase per debaxo de 250

Esti miércoles rexistráronse 569 contaxos.

Caltiénse'l descensu de la presión hospitalaria nesta quinta fola de COVID-19. Ayeri'l númberu d'hospitalizaos baxó de 250 per primer vegada en tol 2022, añu nel que s'entró con 275.

La cifra más alta nestos dos meses diose'l 23 de xineru, cuando había 472, 420 en planta y 52 na UCI. Agora la cifra ta en 245, con 223 (5 menos que'l martes) y 22 (5 menos), de manera respeutiva, mesmu númberu que'l 27 d'avientu.

No que respeuta a los positivos, diose ayeri un aumentu. En total rexistráronse 569 casos nuevos, polos 397 comunicaos el día anterior –los datos oficiales aumentaron la serie en 1 contaxu–.

Una muerte

Na xornada finó d'una muyer de 92 años. Ye la muerte númberu 2.446 –l'actualización incorpora 2 más non contabilizaes a la serie–.

Na semeya, una muyer recibe la vacuna contra la COVID-19.