25 años qu'amuesen que "l’asturianu ye una llingua moderna, áxil y vidable", afirma González Riaño

  El presidente de l'Academia de la Llingua Asturiana felicita a Asturies.com por esti cuartu de sieglu de periodismu na nuesa llingua.

Xosé Antón González Riaño unvió un escritu con motivu del 25 aniversariu d'esti mediu de comunicación en llingua asturiana. "Dende l’Academia de la Llingua Asturiana queremos felicitalu d’un mou especial, non solo por ser a caltenese nel tiempu como mediu de comunicación, sinón pola so contribución al afitamientu del estándar de la llingua asturiana, pol rigor de los sos plantegamientos informativos y, lo que ye inda más importante, por amosar que l’asturianu ye una llingua moderna, áxil y vidable pa pescudar y entender la vida social, cultural y política del nuesu rodiu", principió.

Pue lleer el testu completu del presidente de la institución encargada de la codificación, normativización y estandarización de la llingua asturiana calcando nesti enllaz.