545 casos nuevos de COVID-19 esti xueves

Finaron dos persones nesta xornada.

La Conseyería de Salú comunicó la detección de 545 casos ayeri, la cantidá más baxa de lo que va de selmana. El númberu d'hospitalizaos queda en 279, de los que 26 siguen na UCI y 253 tán en planta, 2 menos qu'ayeri.

Dos muyeres de 83 y 75 morrieron cola enfermedá causada pol coronavirus SARS-COV-2. El total de finaos nel andanciu queda asina en 2.426, al sumar a la serie una muerte más non contabilizada en díes anteriores.

Na semeya, zona de vacunación a neños y neñes, que tán recibiendo la segunda dosis, nel Hospital Vital Álvarez Buylla de Mieres.