"Hai una campaña pa desacreitar l'asturianu y la oficialidá n'Asturies", apunta la FSA

La ofensiva parllamentaria del PP "forma parte de lo mesmo", asegura la vocera parllamentaria Dolores Carcedo.

"Hai una campaña pa crear un clima de crispación y desconfianza alredor del asturianu", asegura la Federación Socialista Asturiana (FSA), "que principió va munchu tiempu, cuando se-y impidió a la conseyera Berta Piñán falar na Cámara, dalgo que nun se produxera". "Dende entós, hai una campaña pa desacreitar l'asturianu y la oficialidá n'Asturies", insiste la portavoz.

Sobre los movimientos de los últimos díes de VOX y PP, apunta que, llueu de que "na reforma del Estatutu nun s'algamar un alcuerdu", considera que "quieren siguir calteniendo viva esa cuestión, cola ambición de dañar pa siempre les posibilidaes de futuru de la oficialidá del asturianu". Asina, les dos fuercies de la derecha van llevar al Plenu próximu una serie de cuestiones al rodiu del idima que "forma parte de lo mesmo", en referencia a la campaña que denuncia Carcedo.

Na semeya, Carcedo nel Plenu del Congresu del día 1 qu'apobó la Proposición de Llei de Declaración del Calter Estratéxicu de la Industria de Mui Altu Consumu d'Enerxía Llétrica Radicada n'España presentada pola Xunta Xeneral.