“El Gobiernu nun foi a la mesa de negociación de bona fe”, diz Pumares

El secretariu xeneral de Foro considera que nun "nun ye tolerable nin razonable" nun presentar un informe "que yera importante".

Censura Adrián Pumares "l'actitú del Gobiernu asturianu y el Partido Socialista" en rellación col documentu "que taba nun caxón o na mesa de la Conseyería de Cultura, nun sabemos ónde", una posición, la de la FSA, que califica de "una auténtica vergoña". "El Gobiernu asturianu actuó de mala fe na negociación de la reforma del Estatutu d'Autonomía", aseguró'l llavianés, que cree que la formación d'Adrián Barbón "cometió un error".

"L'ocultar esi informe nun ye tolerable nin razonable, y amuesa tamién una forma d'actuar del Partido Socialista de despreciu a esta Cámara y a los grupos parllamentarios que taben dispuestos a llegar a alcuerdos con él". Al igual que Podemos, Pumares cree qu'esta situación "da puxu a aquellos partíos que dende un primer momentu s'opunxeron a la reforma del Estatutu d'Autonomía".

Por último, valoró que "el Partido Socialista ha actuar menos por intereses eleutorales y más pensando nel beneficiu d'Asturies", ironizando darréu sobre un posible xiru al asturianismu de la FSA nel congresu aplazáu a marzu.

Na semeya, Pumares na Xunta de Voceros d'esta mañana.