Los contaxos yá anden pel mediu millar

Sigue la baxada de positivos y del númberu d'hospitalizaos nesta quinta fola.

La Conseyería de Salú informó de la detección ayeri de 560 casos nuevos de COVID-19. El sábadu rexistráronse 523 el sábadu y 424 el domingu, cifres toes elles que s'asitien nel mediu millar, lloñe de los más de 3.000 de va un mes.

Tamién sigue descendiendo la cantidá de persones hospitalizaes. Hai un total de 306 pacientes ingresaos, de los que 279 tán planta y 27 en UCI, 2 y 1 menos que'l domingu, de manera respeutiva.

Na xornada hebo que llamentar la muerte d'una muyer de 88 años, la 2.376 del andanciu llueu d'una correición de los datos daos ayeri pola conseyería.

Na semeya, vacunación cola segunda dosis a una neña nel Hospital Vital Álvarez Buylla de Mieres.