Tanxugueiras abre en Benidorm el camín hacia Eurovisión con 'Terra' y el so "nun hai fronteres"

Celébrase la primer semifinal del certame que lleva a la formación ganadora a Turin.

A les 22.40 hores va entamar la primer semifinal del Benidorm Fest, que se va emitir en direuto per La 1. Nella participa Tanxugueiras, el tríu de pandereteres gallegu que presenta un cantar na so llingua materna, 'Terra', y qu'inclúi la frase 'non hai fronteiras' n'asturianu, eusquera, catalán y castellanu.

Olaia Maneiro, Aida Tarrío y Sabela Maneiro van competir en sesta posición nesti concursu que pretende ser una versión moderna del históricu Festival Español de la Canción de Benidorm con Luna Ki, Varry Brava, Azúcar Moreno, Blanca Paloma, Unique y Chanel. D'ellos cuatro van pasar a la final del sábadu (22.05 hores), na que va salir el representante de RTVE nel festival européu de la canción, qu'esti añu va celebrase en Turin organizáu pola RAI.

Van presentar la gala d'esta nueche nel Palau d'Esports L'Illa la cantante Alaska, Inés Hernand y Máximo Huerta. El portugués Salvador Sobral, ganador d'Eurovisión nel 2017, y los asturianos Marlon van actuar como artistes convidaos.

Na imaxe, escenariu del Benidorm Fest. Semeya propiedá de RTVE.