El vienres viniente torna l'ociu nocherniegu y fina la esixencia pal accesu del pasaporte COVID-19

El xueves detectáronse 3.016 casos nuevos.

La Conseyería de Salú anunció que nun va prorrogar el pieslle del ociu nocherniegu nin va solicitar al Tribunal Superior de Xusticia d'Asturies (TSXA) allargar la esixencia del pasaporte COVID-19 p'acceder al interior de llocales públicos d'hostelería y ximnasios, polo que'l vienres viniente, día 28, van finar les restricciones puestes el 28 d'avientu. Caltiénse, mentes, a la 1 de la madrugada la hora de zarru de negocios d'hostelería y restauración que nun cuenten con llicencia de música amplificada sacante los espacios de terraza y permítise la venta d'alcohol en comercios y gasolineres de 22 a 6 hores.

Ayeri rexistráronse 3.016 positivos, una cantidá menor que la del día anterior, cuando se comunicaron 3.414 –l'actualización de los datos oficiales reduzla a 2.920–. Xube mentes la presión hospitalaria, al pasar de 410 ingresaos a 428.

En planta hai 376 pacientes, 22 más, y 52 na UCI, 4 menos. La ocupación total por esta patoloxía ye del 12,24 por cientu y del 16,93, de manera respeutiva.

Na xornada hebo que llamentar 5 muertes, la de 2 muyeres de 89 y 74 años y la de 3 homes de 83, 76 y 54. Dende qu'entamó la andanciu finaron 2.238 persones cola enfermedá causada pol coronavirus SARS-CoV-2.